Мектептегі күрес үйірмесінің жұмысы

Күршім ауданының № 4 Н.Островский атындағы орта мектебінде осыдан 5 жыл көлемінде қазақ күресі үйірмесі өз жұмысын атқарып келеді. Сыныптан тыс уақытта мектептің оқушылары күрес үйірмесіне толығымен қатысып, талай нәтижелерге қол жеткізіп, биіктен көрінді. Оқушыларға қойылатын талабы, мақсаты мен міндеті және күтілетін нәтиже бойынша үйірме жұмысы атқарылып жүр.

Үйірменің мақсаты:

1. Жастарды қазақ күресімен шұғылдануға тарту арқылы олардың бойында отансүйгіштік сезімді қалыптастыру.
2. Халық арасында достық пен өзара татулық қатынастарды нығайту.
3.Ауданда қазақ күресін өркендету арқылы, оны ұлттық идея жеткізу және халықаралық имидж көтеру.

Үйірменің міндеті:

1. Аудандық және обылыстық жарыстарға қатысып жүлделі орындарға ие болу
2. Психологиялық және физикалық күш қабілеттерін дайындау және нығайту.

Осыған қарап өсіп келе жатқан жас ұрпақ палуандары, барлық күш жігерлігін, намысын бойындағы қуатын пайдаланып белсене жаттығуларын жүргізеді. Жаттығу әр түрлі методика бойынша өткізіледі, ол айнымалы түрде, жеке түрде және топтық.

Сабақ мақсаты:

1. Білімділік — оқушыларды жылдамдыққа, күштілікке, ептілікке үйрету
2. Дамытушылық — ағзаны шынықтыру, денсаулықты нығайту
3. Тәрбиелік — жан-жақты тәрбие арқылы ақыл-ой, эстетикалық, адамгершілік және еңбек тәрбиесіне ықпал ету

Өткізілетін жер: Спортзал

Құрал жабдықтар: ысқырғыш, секундомер, секіртпе, жгут

Уақыт: 45 мин

Пайдаланған әдебиеттер:

1. Қалман Абдықадыров «Қазақ балуандары» — Алматы, 2002
2. Матущак П.Ф. «Борцы на ковре» — Алма-Ата, 1991
3. Чумаков Е.М.«Сто уроков борьбы самбо» — Москва, 1985