Оқушының қазақ тілінен білімін көтерудің ең басты шарты — оның пәнге деген қызығушылығын арттыру. Пәнге деген қызығушылығы болса ғана бала оған көңіл қойып тыңдап, тереңдете оқып үйрене бастайды. Пәнге қызыққан оқушының білім сапасының жоғары болатыны белгілі. Мұғалім үнемі оқушының ойлау белсенділігін арттырып, білімге қызығушылығын тудырғанда ғана сабақ мақсатына жетеді. Қазақ тілінде қызығушылық тудырудың басты кезеңдерінің бірі — тақырып бойынша оқушылардың білімдерін бекіту сабақтары және сабақтан тыс сайыстар. Осы себептен сайыс түрінде өткен сабағымды ұсынып отырмын.