«Жітіқара ауданы әкімдігінің білім бөлімі» ММ «Тимирязев орта мектебі» КММ қазақ тілі мен әдебиеті пәнінің мұғалімі Рысмұхамбетова Жадыра Сұлтанқызы

Мақсаты:

Білімділік: Мектеп асханасы туралы айта білу, асханада тапсырыс беруді үйрену. Тақырыпқа байланысты жаңа сөздермен танысып оларды сөйлемде дұрыс қолдана білу. Оқушылардың тақырып бойынша білімдерін тереңдету, көзқарастарын кеңейту, түсініктерін тиянақтау. Грамматикалық тақырып бойынша етістіктің шақтарын бекіту.

Дамытушылық: Тапсырмаларды орындау арқылы оқушылардың тапқырлықтарын, ізденпаздықтарын қалыптастыру, сөздерді дұрыс байланыстырып, ойды жүйелеп айтуға дағдылану.

Тәрбиелік: Оқушыларды адамгершілік, әдептілік қасиеттерін тәрбиелеу.

Сабақтың типі: аралас сабақ.

Әдіс-тәсілдері: сұрақ — жауап, іздендіру, әңгімелеу, практика, сын тұрғысынан ойлаутехнологиясы («Блум түймедағы», «Білемін, білгім келеді, білдім» тәсілі, "ИДЕАЛ«стратегиясы)

Жұмыс формалары: жеке, жұптық

Көрнекілігі: интербелсенді тақта, слайдтар, тірек-сөздер

Сабақтың барысы:

I. Ұйымдастыру кезеңі:

а) Балалармен амандасу.
ә) Оқушыларды түгендеу.
б) Тренинг «Алақанның жылуы»

II. Үй тапсырмасын тексеру: қайталау

Эссе. Бірін — бірі тыңдау. (Формативтік бағалау)

ІІІ. Кіріспе:

1) Гүлдегі сұрақтарға жауап берейік.
«Блум түймедағы

1. Үшінші үзілісте біз қайда барамыз?
2. Асхана дедіңіз бе? Ол деген не?
3. Бұл сөздің түбірі қандай? Неліктен?
4. Сіздің ойыңызша 20-30жылдан кейін мектеп асханалары қалай өзгеруі мүмкін?
5. Сізге мектеп асханасы ұнай ма? Неге?
6. Сіз осы асханада жұмыс істесеңіз қандай тамақ дайындар едіңіз?

2) Сұрақтарды талқылап, сабақтың тақырыбына шығу.

ІV. Грамматикалық тақырыпты бекіту

Грамматикалық тақырыбы бойынша интеллект картаны жасап, қорғаңдар

V. Мәтінмен жұмыс

1. Мәтінмен танысу. Оқу. Мәтіннен жедел өткен шақта тұрған етістіктерді табу.

Мен ауыл мектебінде оқимын. Біздің мектептің асханасында күн сайын аспаздар бәрімізге бірдей тамақ әзірлейді. Ал қалаға барғанда әр асханада ас мәзірін ұсынады. Сол ас мәзірі бойынша біріншіге, екіншіге түрлі тағам таңдауға болады. Мысалы, кафеде даяшы болады. Біз оған таңдаған тағамдарға тапсырыс бердік. Тамақ ішіп болған соң, бізге есеп шот әкеклді. Сонымен, мен тамаққа тапсырыс беруге үйрендім.

2. Сұрақтарға жауап беру:

— Сіз кафеде тамақтандыңыз ба?

— Тамаққа тапсырыс бере аласыз ба?

«ИДЕАЛ» стратегиясы арқылы тапсырыс беруге үйрену.

1. Проблема. Қалай тапсырыс беруге болады?

2. Жекежұмыс. Оқушыларға, осы сұраққа жауап беру үшін керекті сөздердің тізімін жазуға тапсырма беріледі. Бір минуттан кейін әр оқушы кезекпен сөздерді айтып отырады. Мұғалім оларды тақтаға жазады.

Жұптық жұмыс. Берілген тапсырманы енді жұппен орындаңыздар.

3. Жұптық жұмыс. Сөздерден сөйлемдерді құрастырыңыз.

4. Әдепті сөйлеу. Ұсынып тұрған сөйлемдерден дұрыс құрылған сөйлемдерді таңдаңыздар
Маған ас мәзірін бер. Маған ас мәзірін беріңізші. Тапсырысты тезорындаңыз, мен асығып тұрмын. Мен асығып тұрмын, өтінемін, тапсырысты тезірек орындаңызшы.

5. Рөлдік ойын. Рөлдерде: даяшы, клиент, байқаушылар.

VІ. Қорытынды: СИНКВЕЙН

Балалар, сабақта не туралы айтылды? Сабақтың алдында қойған мақсатымызға жеттік пе?

5 жолды өлең
1 Асхана
2 таза, кең
3 тапсырыс береміз, отырамыз, тамақ ішеміз
4 Маған мектептің асханасы өте ұнайды.
5 Дәмхана

VІІ. Бағалау:

VІІІ. Үй жұмысы:

ІХ. Рефлексия

Балалар, бүгінгі сабақтан сендер қандай әсер алдыңдар? Не ұнады, не ұнамады айтып, гүлдер арқылы көрсетіңдер. Сабақ ұнаса вазаға қызыл гүлдерді, ұнамаса көк гүлдерді салындар