Оқушының математикадан білімін көтерудің ең басты шарты — оның пәнге деген қызығушылығын арттыру. Пәнге деген қызығушылығы болса ғана бала оған көңіл қойып тыңдап, тереңдете оқып үйрене бастайды. Пәнге қызыққан оқушының білім сапасының жоғары болатыны белгілі. Мұғалім үнемі оқушының ойлау белсенділігін арттырып, білімге қызығушылығын тудырғанда ғана сабақ мақсатына жетеді. Математикаға қызығушылық тудырудың басты кезеңдерінің бірі — тақырып бойынша оқушылардың білімдерін бекіту сабақтары. Осы себептен қайталау сабағымды ұсынып отырмын. Сабақтың тақырыбы: Үшбұрыштар түрлері. (қайталау)

Қазіргі кезде еліміздің білім беру жүйелерінде бірқатар өзгерістер енгізіліп, білім берудің мазмұны жаңарып, жаңа көзқарас, басқаша қарым-қатынас, өзгеше жаңа ұлттық модельдер құрылуда.Сондықтан қазіргі таңда оқушыны жеке тұлға деп санап, оларды өз сұраныстарына, мүдделеріне сай оқыту мен тәрбиелеудің сан қилы үлгілерін қолдану керектігі көзделуде. Жаңа технологияның озық үлгілерін қолдана отырып, оқушылардың шығармашылық ізденістерін ұштау, жаңа тақырыпты оқып, меңгеруде негізгі мақсатқа өз бетімен жетулерін қалыптастыру мақсатында өткізген сабақтарымның бірінің жоспарын ұсынып отырмын.